Herdla museum presenterer både natur- og kulturhistoriske emne. Under 2. verdskrig var det ein tysk flybase på øya. I utstillingane blir det vist modellar av både fly, flyplass og forsvarsanlegg, forutan mange gjenstandar frå krigens dagar. 

Museet finn du ved Herdlevågen på øya Herdla heilt nord i Askøy - det naturlege utgangspunkt for den som vil bli kjent med ei spesiell øy.

Museet har også ei utstilling om korleis landskapet på Herdla blei forma då isen smelta etter siste istid. Dette landskapet, kjenneteikna av flatar, strender og gruntvassområde er grunnlaget for det rike fuglelivet på øya. I utstillinga finst informasjon om mange av dei artane som er typiske for Herdla. Det vert også vist skiftande utstillingar i ei restaurert tyskarbrakke som ligg i museumsparken.
 
Kjelde:
www.museumvest.no