Fjon Fjellkyrkje
Foto: Scandion
Fjon Fjellkyrkje er ein kombinert leirplass/kyrkje som ligg
i Matredal i Masfjorden kommune. Ho ligg vakkert til ved inngangen til
Stølsheimen og Matrefjella.
Ho er eigd av alle sokneråda i Nordhordland prosti,
og vert brukt av ulike lag, kyrkjelydar, forsamlingar og organisasjonar
frå Gulen, Nordhordland og bergensområdet.
Det er plass til 29 overnattingsgjestar på dei fem
soveromma i tillegg til 14 plassar på 3 nye soverom i 2.etg. Ideèn
til byggjinga vart lagt fram på eit soknerådsmøte i
Masfjorden våren 1975.
Skjærtorsdag 3.april 1980 var det friluftsgudsteneste
på tomta. Steinar Ihle la ned grunnstein som ligg der altarpartiet
er i dag. Etter mange tusen timar dugnad vart kyrkja innvigd sundag 16.august
1987 i strålande vèr.
I dag er kyrkja utleigd omtrent kvar helg i vår
og haustsemesteret. Ho er også utleigd til bl.a konfirmasjoner, bryllaup,
geburtsdager. Av anna aktivitet kan nemnast; gudstenester og Olsokstemne.
Nokre kyrkjelydar legg også kyrkjelydstur/gudsteneste til denne vakre
plassen. Fjon Fjellkyrkje ligg der for å bli brukt. Styret for kyrkja
vil ynskja Dykk velkomne for eit minnerikt opphald. |
Hovudside
