Kongens fortenestemedalje vart stifta i 1908 av kong Haakon 7. til belønning for fortenester innan kunst, vitenskap og næringsliv, samt for utmerka forhold i offentleg teneste. Medaljen vert utdelt i gull og sølv. 

2007
Magne Askeland - får medaljen både for sin innsats som politikar, mangeårig heimevernesbefal, som lærar på Meland ungdomsskule i 30 år og som eit engasjert samfunnsmenneske i to menneskealdrar.

2003 
Olav Skråmestø får Kongens fortenestemedalje i sølv for sin innsats innan pinserørsla gjennom mange år. Han har drive med friviljug arbeid og hatt politiske verv, mellom anna fjorten år i kommunestyret og tolv år i skulestyret. Ordførar Solbjørg Åmdal Sandvik stod for tildelinga. 

2001 
Harry Wiig Andersen får Kongens Fortenestemedalje i gull for sitt arbeid for skule, kyrkje, misjon og samfunn - både gjennom sitt virke ved Nordhordland Folkehøgskule og som engasjert politikar. Medaljen vart overrekt av fungerande fylkesmann Johan B. Synnevåg under ei tilstelling ved folkehøgskulen 18. august.